PLANTACIÓN

 Logo de pasar o diluvio, sae o sol e imos a poder ter unha xornada de plantación. Todo o curso coidando nas plantas para ver chegar este momento. 

 Plantamos en dous lugares distintos coa colaboración dos axentes do SEPRONA e da  Comunidade de Montes de Goián    que nos apoiou dun xeito insuperable, aproveitamos para darlle as gracias e decirlles que estaban moi bos os bocatas e o chocolate.

Nun terreo da Comunidade de Montes próximo a escola fixemos o viveiro de plantas das landras de carballo e sobreira recollidas no Forte de San Lourenzo e que transplantaremos o curso que ven. Noutro tamén próximo a escola fixemos outra plantación con árbores aportadas pola Comunidade de Montes.

 Saímos todos da escola e ao chegar ao semáforo do Punto dividímonos para cada lugar de plantación.

 

Empezamos explicando e organizando o traballo de marcar e facer furados, os maiores apandaron co maior esforzo.

  

 

Rematada a primeira quenda, cambiaron os grupos de lugar de plantación

 

 e chegaron os de 1º e 3º que plantaron por parellas de distintos cursos.

 

 

Unha vez rematada a tarefa, recollido todo o lixo e regadas as plantas, volvemos a escola cansados, pero impacientes por transplantar os carballos e sobreiras o curso que ven.

COMO MEDRAN AS NOSAS PLANTAS

Despois de tanto esperar, regar e mimar, comezaron a nacer as nosas plantiñas. Observamos detidamente como unha delas ía medrando e retratamos o seu crecemento ao longo de case un mes. Este é o resultado.

FORTES E PLAN PROXECTA

Participamos tamén no Plan Proxecta, AEG21, e ó tempo que recuperamos o patrimonio inmaterial repoñemos parte do medioambiental. No principio do curso fixemos unha visita ó forte de San Lourenzo en Goián
Saímos do colexio unha mañán de Goián (con néboa)

Camiñando cara o forte fomos revisando a toponímia que tiña que ver cos fortes, e traballando co noso caderno (que podes ver se premes "follas e landras no forte").

  

Paramos no Baldío da Moura, que máis adiante (na recolleita de lendas) explicaranos o seu topónimo con unha lenda

aproveitamos para ver e revisar a partes dun carocho,

visitar a casa dos Correa e para  facer unha recolleita de landras de sobreira e carballo, nos arredores do forte de San Lourenzo

escollelas, comparalas e noutra xornada na escola, poñelas en macetas recicladas de cartóns de leite ou zume. Antes de marchar do forte, aprendemos a orientar un plano e  botámoslle unha ollada ó País Irmau dende o  baluarte de San Xoán.

 Noutra xornada na escola e logo de hidratar as sementes,

aprendemos a identificamos as distintas landras, 

 

desbotamos as que non estaban en condicións e procedemos a plantalas en macetas feitas de envases de leite, zume, etc.

unha vez rematada a tarefa, levámolas a clase para clase a crialas con moito mimo e observar o seu desenvolvemento.

Ao final de curso  cos alumnos de terceiro ciclo fixemos unha saída polo concello de Tomiño para visitar casas brasonadas,

 zonas dedicadas a cultivos ornamentais,

  casas da inquisición,

 

igrexas románicas e pontes medievais.

 

 

 Coma sempre levamos un caderno (preme AQUÍ para descargalo) con actividades de medición, orientación e recoñecemento de especies animais e vexetais.