MOTIVO DO BLOGUE

Este blogue quere amosar os traballos realizado co premio otorgado pola FUNDACIÓN ANTONIO FRAGUAS do MUSEO DO POBO GALEGO ao Proxecto Didáctico “ FORTES DA GUERRA DE RESTURACIÓN EN VILANOVA DE CERVEIRA E TOMIÑO, PATRIMONIO INMATERIAL”.
No Proxecto didáctico participan alumnos e mestres de Vilanova de Cerveira e Tomiño.
Este traballo quere tomar como centro de interese os fortes que se construíron durante a Guerra de Restauración Portuguesa do século XVII que deu lugar a independencia de Portugal.
No concello de Tomiño hai restos de cinco fortes dese momento, tres dos mesmos en aceptable estado de conservación, que deixaron pegadas na vida e tradicións do concello. Nas parroquias que achegan alumnos o noso centro, Figueiró e Goián concentran catro dos cinco fortes do concello. Ó mesmo tempo a localidade portuguesa que ocupa a marxe contraria do río é Vilanova de Cerveira, conserva parte das murallas da localidade e un forte na freguesía de Lovelhe, mesmo no remate da ponte internacional.
Nestes últimos anos vense poñendo en valor as edificacións, gracias a un Plan Director de Fortalezas, que non sabemos se segue activo. Neste plan recupéranse algúns dos edificios pero deixa de lado o patrimonio inmaterial resultante deses momentos. Pretendemos recuperar as lendas, contos, alcumes , topónimos, ou calquera outro vestixio que na actualidade sexa recuperable tanto no concello como no país veciño, revisando a toponimia oficial xa recollida na zona dos fortes e comparándoa coa que conservan as persoas de idade avanzada.
Como obxectivos fundamentais planéanse os seguintes:

• Recuperación de topónimos
• Recuperación de termos na fala goianesa.
• Fomentar o coñecemento e a relación de galegos e portugueses
• Recuperación do patrimonio material e inmaterial
• Fomentar o afán investigador no alumnado
• Fomentar o respecto as nosas costumes e tradicións

A tarefa é urxente pois co abandono  do campo para ir traballar ao sector servizos a Vigo e o troco no réxime de propiedade: moitos terreos alugados por adegas para cultivo da viña ou por viveiros para todo tipo de plantas aproveitando o clima especial da zona, trocan o minifundio por longas extensións de cultivo, o fenómeno urbanístico dos últimos anos afectou tanto a construcións como a nomes de lugares: novas rúas e novos nomes; a chegada a localidade de familias  na busca de residencias a “prezo accesible”, con descoñecemento da historia e dos costumes locais axudan a forte penetración do castelán e propicia o abandono, e polo tanto esquecemento, dos topónimos e outros bens inmateriais.